Mjedisi dhe Turizmi – Urban Research Institute

Plan zbatimi për rishikimin dhe përmbushjen e Kontributit Kombëtar të Pikësynuar (KKP) të Shqipërisë

URI_Admin — Wed, 11 Jun 2025 14:14:58 +0000

Shqipëria ka një bazë ligjore për ndryshimet klimatike; Ministria e Turizmit dhe Mjedisit është Pika Qendrore Kombëtare e Konventës Kuadër të Kombeve të Bashkuara për Ndryshimin e Klimës (UNFCCC), përgjegjëse për programin kombëtar të ndryshimeve klimatike; një Grup Pune Ndërministror, i përbërë nga palë të interesuara qeveritare dhe i drejtuar nga Ministria, është instrumenti i koordinimit ndërsektorial të programit; nën kuadrin e transparencës dhe raportimit të UNFCCC-së dhe Marrëveshjes së Parisit, Shqipëria duhet të raportojë një herë në dy vjet mbi ecurinë drejt përmbushjes së KKP-së, duke filluar nga dhjetori 2024; përveç kësaj, çdo pesë vjet, ndërmerret një Inventar Botëror i arritjeve të përbashkëta të Marrëveshjes së Parisit, ku i radhës është planifikuar për në vitin 2028; mbi këtë bazë, brenda periudhës së ardhshme afatmesme Qeveria e Shqipërisë dhe Ministria e Turizmit dhe Mjedisit duhet të jenë të përgatitura të ofrojnë prova të përpjekjeve dhe progresit drejt arritjes së KKP-së.

Projekti synon të përmirësojë kuadrin strategjik kombëtar për zbatimin e KKP-së dhe të ndërtojë aftësitë e qeverisë, sektorit privat dhe aktorëve të shoqërisë civile për një proces efektiv kombëtar ndërsektorial për zbatimin e KKP-së.

Qëllimi i projektit është të ndihmojë në arritjen e KKP-së së Shqipërisë përmes mobilizimit dhe përshkallëzimit të financimit për klimën.

Lidhur me barazinë gjinore, projekti do të kryejë një analizë të situatës së treguesve gjinorë të integruar në komponentët e zbatimit të KKP-së: qeverisja, zbutja dhe përshtatja, do të identifikojë mangësitë dhe mungesat, dhe do të planifikojë aktivitetet për zbatimin e KKP-së me bazë gjinore.

Fletë informuese Download

Climate Bridges – Rrjeti i partnerëve në veprim

URI_Admin — Tue, 26 Nov 2024 17:57:02 +0000

Rajoni i Ballkanit Perëndimor po ndjek në mënyrë aktive anëtarësimin në BE ndërsa zhvillon iniciativa të veprimit për klimën. Shqipëria, Bosnja dhe Hercegovina, Mali i Zi dhe Maqedonia e Veriut janë në faza të ndryshme të negociatave të anëtarësimit në BE, secila duke u përballur me sfida në zhvillimin dhe zbatimin e politikave klimatike. Këto sfida rrjedhin kryesisht nga kapaciteti i kufizuar administrativ dhe koordinimi i pamjaftueshëm ndërmjet organizatave të shoqërisë civile dhe organeve qeveritare. Ky projekt sjell në vëmëndje nevojën për veprime të koordinuara klimatike në rajon. Analiza e politikave zbulon boshllëqe në zbatimin e Axhendës së Gjelbër për Ballkanin Perëndimor (AGjBP), e karakterizuar nga miratimi i pabarabartë i politikave dhe angazhimi i kufizuar i palëve të interesit. Projekti përgjigjet duke forcuar bashkëpunimin rajonal, duke përmirësuar strukturat qeverisëse dhe duke nxitur bashkëpunimin midis organizatave të shoqërisë civile, organeve qeveritare dhe sektorit privat.

Fletë informuese Download

Energji e gjelbër dhe e qëndrueshme në ndërtesat e Elbasanit – GREENELB

URI_Admin — Fri, 22 Nov 2024 15:38:54 +0000

Rrugëtimi i Elbasanit drejt neutralitetit klimatik përballet me sfida të ndjeshme, veçanërisht në sektorin e ndërtesave. Inventari i parë i gazeve serrë i qytetit tregon se ndërtesat janë kontribuesit kryesorë të emetimeve, ku konsumi i energjisë elektrike përbën 28.3%, ndërsa energjia jo-elektrike shton edhe 15.9%të emetimeve totale. Ndërtesat e banimit privat janë burimi kryesor, përgjegjëse për 96.8% të këtyre emetimeve.
Përmes Programit të Qyteteve Pilot NetZeroCities në kuadër të Misionit të BE-së për Qytetet Neutrale ndaj Klimës, ky projekt do të pilotojë zgjidhje inovative të eficiencës së energjisë në lagjen “Vullnetari” të Elbasanit. Kjo lagje do të shërbejë si terren testimi për zhvillimin dhe zbatimin e modeleve gjithëpërfshirëse të eficiencës së energjisë që më vonë mund të shkallëzohen në të gjithë qytetin.

Fletë informuese Download

Mbrojtja e biodiversitetit në Zonën e Mbrojtur të rajonit malor të Shqipërisë së Veriut nëpërmjet menaxhimit efektiv dhe zgjerimit të qëndrueshmërisë ndaj ndryshimit të Klimës

URI_Admin — Fri, 02 Aug 2024 07:58:24 +0000

Projekti “Studimi i Valorizimit – Parku Kombëtar i Alpeve Shqiptare” kontribuon në Programin e Punës të UNEP-it 2022-2023 dhe zbaton një pjesë të Projektit GEF 7 të fokusuar në ruajtjen e biodiversitetit dhe elasticitetin ndaj ndryshimeve klimatike në rajonin malor verior të Shqipërisë. Ai synon të zhvillojë një studim valorizimi për Parkun Kombëtar të Alpeve Shqiptare për të mbështetur planiﬁkimin efektiv të menaxhimit dhe ﬁnancimin e qëndrueshëm të zonës së mbrojtur. Studimi do të detajojë aspektet mjedisore, klimatike, territoriale dhe socio-ekonomike të parkut për të informuar politikëbërjen dhe ngritjen e kapaciteteve.

Parkut Kombëtar të Alpeve Shqiptare i mungon aktualisht një vlerësim gjithëpërfshirës i vlerave të tij ekologjike dhe socio-ekonomike, duke penguar menaxhimin dhe ruajtjen efektive të parkut. Ky projekt do të adresojë këtë boshllëk duke ofruar një analizë të detajuar të burimeve, kërcënimeve dhe mundësive të parkut. Studimi i valorizimit do të shërbejë si një bazë për zhvillimin e një plani të përditësuar menaxhimi dhe eksplorimin e mekanizmave të qëndrueshëm të ﬁnancimit për ruajtjen afatgjatë të parkut.

Fletë informuese Download

Sistemi i Matjes, Raportimit dhe Verifikimit të Ndryshimeve Klimatike në Shqipëri: Shkarkimet dhe Zbutja

URI_Admin — Tue, 08 Nov 2022 14:02:17 +0000

Si palë e Marrëveshjes së Parisit dhe kandidate për anëtarësim në BE, Shqipëria duhet të raportojë të dhënat dhe veprimet për ndryshimet klimatike. Për këtë qëllim, duhet të krijohet dhe zbatohet një sistem kombëtar për matjen, raportimin dhe verifikimin (MRV) e të dhënave të ndryshimeve klimatike. Kjo nuk është arritur ende.

Ky projekt për gatishmërinë dhe mbështetjen përgatitore do të ndihmojë në krijimin e një sistemi kombëtar MRV për (i) shkarkimet e gazrave serrë (GS) dhe (ii) veprimet zbutëse. Ky sistem është thelbësor për përmirësimin e cilësisë së të dhënave kombëtare të ndryshimeve klimatike dhe informacionit mbi vendimmarrjen. IKU do të asistojë Agjencinë Kombëtare të Mjedisit (AKM) në përcaktimin e metodave kombëtare MRV të shkarkimeve të GS-ve, si edhe Ministrinë e Turizmit dhe Mjedisit, ministritë e linjës, INSTAT-in, sektorin privat dhe njësitë e qeverisjes vendore me krijimin e strukturave administrative, procedurave dhe proceseve për sigurimin e të dhënave për AKM.

Krijimi dhe zbatimi i sistemit MRV do të mbështesë përmirësimin e cilësisë së raportimit kombëtar për ndryshimet klimatike, si dhe mobilizimin e financimit të klimës nga donatorët ndërkombëtarë.

Fletë informuese

ArtCult – Artizanët për Trashëgiminë Kulturore

URI_Admin — Wed, 05 Oct 2022 12:45:25 +0000

Për të adresuar nevojat e Bashkisë së Kavajës dhe të Rrogozhinës, projekti do të kontribuojë në rritjen e mundësisë së tyre për zhvillim social-ekonomik, nëpërmjet vlerësimit të trashëgimisë kulturore, integrimit të grupeve vulnerabël në sektorin e punimeve artizanale tradicionale dhe ngritjes së kapaciteteve të artizanëve individualë dhe NVM-të artizanale. Kur të dyja zonat të marrin promovimin e duhur, numri i vizitorëve në zonë dhe të ardhurat financiare të krijuara nga atraksionet turistike do të rriten. Kjo nxitje e turizmit dhe zhvillimit ekonomik do të mbështesë krijimin e vendeve të punës në këto zona. Projekti gjithashtu do të rrisë ndërgjegjësimin publik dhe institucional mbi rolin e rëndësishëm që luan trashëgimia jonë kulturore e përbashkët në stimulimin e avancimit ekonomik të vendit tonë.

Fletë informuese

CALT – Zhvillimi Ekonomik Alternativ në Zonat me Risk të Lartë të Veprimeve Ilegale/Informale si Mbjellja e Kanabisit, në Gjirokastër dhe Dropull

URI_Admin — Mon, 03 Oct 2022 12:48:53 +0000

Bashkitë e Gjirokastrës dhe Dropullit kanë pasur rritje të kultivimit të kanabisit gjatë viteve të fundit. Për shkak të papunësisë së lartë, veçanërisht në zonat rurale të këtyre bashkive, shumë prej banorëve kanë nisur të kultivojnë kanabis për të siguruar të ardhura për familjeve të tyre. Për të luftuar këtë fenomen në këto dy bashki, projekti do të zbatojë aktivitete të cilat do të rrisin mundësitë e punësimit dhe do të inkurajojnë vetëpunësimin legjitim, aktivitete që do të ndërgjegjësojnë kundër kultivimit dhe trafikimit të kanabisit, me fokus të veçantë të rinjtë dhe të rejat e familjeve që jetojnë me ndihmë ekonomike dhe të rinjtë dhe të rejat e papunësuara apo me arsim të ulët, si edhe aktivitete që motivojnë, promovojnë dhe mbështesin kultivimin e bimëve aromatike mjekësore.

Fletë informuese

ECOROUTES – Shtigje Eko-Turizmi në Zonën Ndërkufitare për Promovimin e Turizmit Alternativ

URI_Admin — Mon, 03 Oct 2022 09:25:08 +0000

Kukësi dhe Rahoveci kanë shumë destinacione tërheqëse natyrore dhe kulturore, megjithatë, ende nuk kanë një ofertë turistike të larmishme dhe gjithëpërfshirëse që të kombinojë destinacionet më të mira turistike në zonën ndërkufitare. Kjo ka kufizuar potencialin e zonës për t’u bërë një pikë e nxehtë turistike. Bukuritë natyrore të pashfrytëzuara, ndërgjegjësimi i ulët dhe informacioni i pamjaftueshëm për itineraret/shtigjet ekzistuese, hartëzimi joadekuat, mungesa e shërbimeve cilësore, fuqisë punëtore dhe ekspertëve të trajnuar në eko-turizëm, si dhe mungesa e kulturës së turizmit eko te vendasit, kanë penguar zhvillimin e industrisë së turizmit në këtë zonë. Ky projekt synon të lehtësojë bashkëpunimin dhe të inkurajojë shfrytëzimin e qëndrueshëm të pikave tërheqëse të zonës Kukës-Rahovec për të nxitur rritjen e industrisë së turizmit në zonën ndërkufitare.

Fletë Informuese

MAPCULT – Kultivimi i Bimëve Medicinale dhe Aromatike si një Alternativë e Qëndrueshme ndaj Kanabisit në Përmet

URI_Admin — Mon, 30 May 2022 14:16:46 +0000

Ky projekt përmirëson aksesin në zhvillimin socio-ekonomik dhe mbështet mundësi të reja punësimi në komunitetet e rrezikuara nga kultivimi dhe trafikimi i kanabisit, duke mbështetur kultivimin e bimëve aromatike mjekësore në zonën e Përmetit, si një alternativë ekonomikisht e qëndrueshme ndaj kultivimit të kanabisit.

Fletë informuese

Biodrini – Rritja e Biodiversitetit në Basenin e Lumit Drin nëpërmjet Menaxhimit të Integruar të Basenit Ujëndarës

URI_Admin — Wed, 25 May 2022 15:22:52 +0000

Ky projekt është pjesë e Programit Ndërkufitar Shqipëri-Kosovë IPA II. Objektivi i tij i përgjithshëm është mbrojtja e mjedisit dhe rritja e biodiversitetit përgjatë basenit të lumit Drin. Aksioni do të zbatohet në komunat Kukës, Has dhe Tropojë në Shqipëri dhe në Komunën e Rahovecit në Kosovë. Burimet mjedisore dhe biodiversiteti i kësaj zone nuk janë vlerësuar në mënyrë të mjaftueshme. Ky projekt do të analizojë situatën mjedisore të zonës dhe do të sigurojë masa nga praktikat më të mira ndërkombëtare për të rritur burimet mjedisore dhe biodiversitetin e zonës përmes zhvillimit të qëndrueshëm socio-ekonomik rajonal.

Fletë informuese